Жібек Құлымбетова Ислам ойындарында күміс медальға ие болды
Патриот жаршысы
28
Фото: Тұрар Қазанғапов
Қазақстандық джиу-джитсу шебері Жібек Құлымбетова Сауд Арабиясының Эр-Рияд қаласында өткен Ислам ынтымақтастығы ойындарында күміс жүлдегер атанды, деп хабарлайды ҚР Туризм және спорт министрлігінің Спортты дамыту дирекциясы.
52 келіге дейінгі салмақта бақ сынаған спортшымыз өз белдесулерін В тобынан бастады. Ол Иран спортшысы Ясамин Назариді (6:0) және марокколық Маруа Элидриссиді (6:0) жеңіп, жартылай финалға өтті.
Жартылай финалда Жібек Хаммуми Маиссааны (Алжир) жеңіп, финалға шықты. Финалда ол биылғы әлем чемпионы Асма Альхосаниге (БАӘ) есе жіберді.
Қазақстандық спортшының табысы еліміздің джиу-джитсу саласындағы беделін арттырып, халықаралық ареналарда Қазақстанның атын асқақтата бермек!
